كيفكم حبيباتى ان شاء الله بخير دائما
عمل التورتة عاوز دقة وترتيب للخطوات
يلا بسم الله
قبل كل شىء ولعى الفرن
جهزى الصينية يا اما تيفال او عادية مع وضع ورق زبدة على مقاس الصينية او تدهنى الصينية بالزيت وترشى فوقة القليل من الدقيق بحيث يغطى الصينية من كافة الجوانب وتبقى بالشكل
المقادير
ا ملعقة فانليا
1 كوب دقيق
1 ملعقة صغيرة بيكنج بودر
5 بيض
1كوب سكر بودرة
3 ملاعق زيت ذرة
4 ملاعق ماء مغلى
الطريقة
صفار البيض + السكر + الدقيق +البيكنج بودر +الزيت + الماء المغلى والفانليا ونقلب بملعقة الى ان يندمج وينعم جيداااا
ا بياض البيض يضرب جيدا بالمضرب الكهربائى حتى يتجمد ويصبح مارينج بالشكل د
شايفة المارينج تقل ازاى وبيتكتل على بعضة
اخد ملعقة من بياض البيض واضيفها الى خليط الصفار وبخفة اقلب
كدةوبعدين اخد خليط الصفار واضيفة بخفة الى البياض مع التقليب بالملعقة بالراحة قوى حتى لا يخرج الهواء ويختلط جيدااا
يصب فى الصينية وندخلة فرن متوسط الحرارة الرف الاوسط
حوالى 15 دقيقة واختبرى السوا بتاعها
هتخرج ان شاء الله بسهولة من الصينية وعلى منخل سلك بعيد عن تيار الهوا
كدة اصبحت الكيكة باردة ياريت تعمليها قبلها بيوم بيبقى التقطيع اسهل او قبل تزينها بحوالى 4او5 ساعات
نجهز الزينة
كان عندى جيلى فراول
كريم شانتى
كيوى
فراولة
كريمة الزبد
قسمت الكيكة بعد ما بردت ووضعت النصف على كرتونة تورت مغلفة بورق الفويل ووضعتها على طبق وطبعا فرشت ورقة جرنال علشان ما ينزل فتافيت على المطبخ
بعد التقسيم رشيت بالراحة على احرف الكيكة بالجيلى البارد بدرجة حرارة الغرفة وقليلا فى المنتصف
ملعقتين كريم شانتى مع شوية فواكة مقطعة صغيراا جداااا
وبعدين حطى النصف التانى وظبطية كويس
وبعدين رشية بشوية جيلى برضة
ادهنيها من كافة الجوانب بكريمة الزبد
ثم طبقة اخرى من الكريم شانتى ( طبقة كبيرة شوية )
رشيها من الجوانب بجوز الهند او الشيكولاتة الفارمسية
من فوق بقى الزينة على حسب ذوقك
يعنى انصاف فراولة وترنشات كيوى عملت شغل يجنن
اية رايكم
ودى لكل اخواتى الحلوين بالمنتدى
يارب تعجبكم
ملحوظة
الكيكة دى اسفنجية ويمكن عمل العديد من الجاتوهات منها torten sponge cake
يمكن عملها بالشيكولاتة با انقاص مقدار ملعقة كبيرة دقيق واضافة ملعقة كبيرة كاكاو
اعتذر عن عدم تصوير خطوات التزيين لآنى كنت با اشتغل وحدى
المصدر: منتدى عدلات النسائي