السلام عليكم ورحمه الله وبركاته
ازيك ياقمر معلش بتعب حضرتك معايا
انا كنت حلمت الحلم ده
حلمت اني ازف الى زوج اختي
وحضرتك طلبتي مني اني اصلي استخاره ولما صليت حلمت بالحلم ده
حلمت اني اعده ما الشخص اللي مرتبطه بيه عندنا في البيت وكنا اعدين بنتكلم وفجاءه سالني سؤال هو سالهولي في الواقع قبل كده بس مش بالصيغه دي وقالي هو انتي حبيتي حد قبل مني ؟ قولتله هو اول واحد احبه راح رد عليا وقال يا اية انتي قلبك طاهر اوي ونقي ماتجرحيهوش انا حبيت مرتين اوعي تجرحي قلبك وفضل يكرر ويقول انتي قلبك طاهر ونضيف اوعي تجرحيه
بس وبعد كده اختفى مش عارفه راح فين انا كنت مستغربه جدا من الطريقه اللي كان بيتكلم بيها المهم انا كنت في اليوم ده صايمه قولت هقوم اجهزلي فطار جه زوج اختي واعد يتكلم عن الشخص ده وحش ويقولي انا حذرتك منه قمت رديت عليه واتضايقت منه قوي وقولتله انا الشخص ده بحترمه جدا وسواء حصل نصيب او ماحصلش نصيب انا هفضل احترمه ومش هسمح لحد انو يتكلم عليه كلمه بص وسكت وانا سبته وقمت اجهز الفطار تاني الشقه بتاعتنا كانت مكركبه اوي زي ما يكون كان فيها فرح او عزاء مش عارفه هيه كانت مطرح ناس كتير اوي وكان متبهدله جدا وكل الاطباق والحلل كانت مش نضيفه ومتكومه على بعضها وماما كانت نايمه شكلها كان تعبان المهم انا لاقيت لحمه مفرومه وقولت خلاص انا هعملها للفطار وقسمتها نصين وقولت هعملها نوعين وانا واقفه بعملها لاقيت اخويا بيكلم شيخ وبيطلب منه ان يشوفلي حل كا بيقولو انا اختي اية كانت ملتزمه ودلوقتي هيه في مرحله انتكاسه وعايزين نشوفلها حل علشان ترجع زي الاول استغربت اوي من اخويا خصوصا هو اصلا في الواقع مش ملتزم عادي يعني بس اعدت اجهز في اللحمه وبس صحيت من النوم
المصدر: منتدى عدلات النسائي