رسالة الي كل سيدة بتخون زوجها

السلام عليكم ورحمة الله

انا الفترة الاخيرة ابتديت اسمع عن وباء ايوا والله وباء ماهو الوباء مش اللي بيصيب الجسم بس الوباء كمان بيصيب الضمير والاحساس

الوباء ده هو خيانه الست لجوزها والعياذ بالله

ياست ياللي بتخوني جوزك : انتي مش عارفة انك مش بتخوني جوزك وبس انتي بتخوني اولادك واهلك ونفسك وضميرك

جوزك : اللي اختارك انتي من كل ستات الدنيا عشان تشيلي اسمه

ثانية واحدة : اوعي تقوليلي مبرارات مفيش مبرارات مفيش اعذار

هتقولي اكبرمنك في السن بكتير هقولك ده اختيارك انتي محدش اجبرك وان كانت ظروفك اللي اجبرتك اتقي الله لانه مطلع عليكي واصبري ربنا هايجزيكي خير

هتقولي هو كمان بيخوني : هقولك ان ربنا بيحاسب كل انسان علي فعله هو وبس وتفتكري انه لما يعرف انك بتخونيه عشان هو بيخونك هيبطل خيانه بالعكس هتخربي بيتك وتصبحي في نظره وفي نظر اهلك والمجتمع والدين انسانه *****

هتقولي مش مهتم بيكي ولابيحس بيكي : طيب ماهو ده جوزك الراجل اللي بيفضل طول النهار برا البيت يشتغل ويشقي عشانك وعشان ولادك ابذلي كل جهدك وقربي انتي وبالعكس كل انتي ماتتحملي وتصبري وتحسني معاملته هتاخدي ثواب الدنيا والاخرة

هتقولي مش بيقوم بواجباته الزوجية معاكي : طيب هو متحمل اعباء مادية ونفسية وممكن يجي عليه وقت يهملك بدون قصد واجبك انتي تخففي همومه وتقفي جنبه

هتقولي ده راجل كله عيوب وميتعاشرش : طيب هاتي راجل في الدنيا مفيهوش عيوب ان كان جوزك عصبي هتلاقي راجل تاني بخيل وراجل تاني مش ملتزم وراجل تاني معندوش شخصية وراجل تاني تافه زي ما احنا ياستات فينا عيوب

اعرفي انك مسئولة عن ليس شرفك وحدك ولكن عن شرف هذا الرجل وعن سمعة اولادك ومستقبله

اعرفي ان رأي الراجل في الست اللي بتخون زوجها بيقول عنها بينه وبين نفسه ابشع الكلام حتي وان حسسك انك مظلومة وانه لن يرضي بيكي ابدا اذا تركتي زوجك من اجله
لانك في هتكوني في نظره امرأة للجميع ولن يشتريكي لان ليس لكي ثمن ومين في الدنيا فينا بيشتري حاجة من غير ثمن بفلوس

يااخوات ادعوا معايا ان ربنا يهدي كل الستات ويبعد عنهم الشيطان ويسترهم دنيا ودين