بجد انا سعيده جدا وانا بقولكم الخبر ده وفعلا اذا اشتد الكرب هان انا كنت خلاص وصلت لدرجه الياس ووالله كنت خايفه جدا وعماله ادعي ربنا يسترها على ام عمر طول النهار عماله اكلمها وهيه مابتردش على حد بعد الدفنه والجنازه وهي برضوا اعده ساكته وكنت خلاص هموت من القلق علشان كده قولتلكم على خبر الوفاه العصر علشان عارفه قد ايه هيه بتحبكم ومتعلقه بيكم فتحت المنتدى وخليتها تقراء ردودكم ودعائكم ليها واد ايه انتو عايزين تتطمنوا عليها وبجد قولت انتو الامل الاخير انا خلاص كنت عمل كل الحيل علشان اخفف عنها ومافيش فايده وانتو فعلا ماخيبتوش ظني كنت خايفه اروح واسيبها كده اعده في اوضته ووسط هدومه وماكلتش لقمه من الصبح ولا حتى بق ميه طبعا الاوضه كانت مكركبه لعب وصور وهدوم والله لايوريكم على منظرها فجاءه تضحك فجاءه تعيط فجاءه تعد تدعي ربنا اعدت اروق الاوضه وهيه برضوا ساكته مابنتطقش بحرف وفجاءه قالتلي(انتي ليه نكدتي عليهم)سبت كل حاجه في ايدي وتنحت واعدت اعيط قالتلي ايه يابنتي في ايه ؟ دي امانه ربنا وخدها ولو ضعفت هزود تعب ابوعمر وقلقه عليا وانا عاهدته اني عمري ماهخليه يبات زعلان اومتنكد مش كفايه ماشفش ابنه الا صور وبس وانا زدت في العياط وخوفت ليكون جالها حاله نفسيه دي مرت بموقف صعب ابنها مات على ايدها بس المواقف الصعبه هيه اللي بتبين معدن الناس قوي ويستحمل ولا من اول ابتلاء بينهار وهيه ماشاء الله ربنا يثبتها حقا من توكل على الله فهو حسبه وحده غيرها كان زمانها خسرانه دينها بلطم الخدود او شق الجيوب خصوصا انها كانت متعلقه بيه جدا بس هيه ربنا يحميها كل اللي على لسانها الحمدلله ان لله وان اليه راجعون وقالتلي( يالا قومي افتحي المنتدى حرام عليكي ننكد على الناس احنا المفروض ندخل عليهم السرور من النكد انا ديما كنت بدعي ربنا بالولد الصالح وعمر كان ممكن يكون عاق ربنا يخلف عليا بالولد الصالح اللي يكون بار بابيه وامه واعدت تحكيلي عن قصه سيدنا موسى والخضر وقتله للغلام اللي كانوا ابويه صالحين وقصه الزوجه اللي ابنها مات واخفت عن زوجها وراح يشكيها للنبي صلى الله عليه وسلم ) وانا اعده متنحه ومش قدره اتحكم في نفسي
وقالتلي اطمنكم عليها وده كلامها بالنص(حبايب قلبي بجد ربنا يخليكم ليا ومايحرمنيش منكم ابدا كلامكم فرق معايا كتير وشجعني زياده يارب ماتحصل لوحده منكم ويباركلكم في ازواجحك واولادكم وان شاء الله هكون معاكم قريب بس افوق بس واقدر اتمالك نفسي)
بس ياجماعه هو ده اللي حصل طول اليوم العصيب ده يارب ماترجعه تاني
هنتعشى مع بعض وهقوم اروح اشوف مذاكرتي بئى لحسن عندي درس بكره وهتعلق من وداني
سلام عليكم
المصدر: منتدى عدلات النسائي